ქობულეთის პროფესიულ სასწავლებელში მომზადებას 25 ინდოელი სტუდენტი გაივლის. როგორც `მედიანუსს” ქობულეთის მუნიციპალიტეტიდან აცნობეს, სასტუმროსა და რესტორნის სერვისის შესასწავლად უცხოელი სტუდენტების ერთი ნაწილი ბათუმში უკვე ჩავიდნენ. 10 აგვისტოდან ინდოელები ქართველ სტუდენტებთან ერთად, ტურიზმის სერვისის კომბინირებულ კურსს ექვსი თვის განმავლობაში გაივლიან, მათ შორის გიდების მომზადების პროგრამასაც.
სასწავლო კურსთან ერთად უკვე დაგეგმილია კულტურულ-შემეცნებითი პროგრამებიც, რომელიც ქართველ და ინდოელ სტუდენტებს შორის ინტერკულტურულ გაცვლას შეუწყობს ხელს.
ქობულეთის პროფესიულ სასწავლებელში წელს უცხოელ სტუდენტებს სომხეთიდანაც ელოდებიან.





