მსახიობი მზია კვირიკაშვილი მუხათგვერდის პანთეონში დაკრძალეს. ნათესავებმა, მეგობრებმა და მისი შემოქმედების თაყვანისმცემლებმა მსახიობს უკანასკნელი პატივი მიაგეს.
კვირიკაშვილი 60 წლის ასაკში 28 ივლისს მძიმე ავადმყოფობის შედეგად გარდაიცვალა. მას ექიმებმა აშშ-ში ღვიძლის სიმსივნე დაუდგინეს. იმის გამო, რომ აშშ-ში კვირიკაშვილს მკურნალობისთვის სათანადო სახსრები არ ჰქონდა, იგი საქართველოში 7 ივნისს დაბრუნდა და მკურნალობა თბილისში გააგრძელა..





