17:31:59                         01.08.2010
„ეროვნული ფორუმის“ ლიდერები ხვალიდან რეგიონებში გადიან

საბეჭდი ვერსია

2 აგვისტოდან „ეროვნული ფორუმის“ ლიდერები საქართველოს სხვადასხვა რაიონში მოსახლეობასთან შეხვედრებს გამართავენ.

როგორც `მედიანიუსს~ `ეროვნული ფორუმიდან~ აცნობეს, შეხვედრების მიზანია, მოსახლეობას გააცნონ „ეროვნული ფორუმის“ სამოქმედო გეგმა, რომელიც 25 ივნისს პირველ პარტიულ კონფერენციაზე წარადგინეს; ამასთან, მიაწოდონ ინფორმაცია იმ ინიციატივებზე, რომელიც „ფორუმმა“, სხვა პოლიტიკურ ორგანიზაციებთან ერთად, საარჩევნო გარემოს გაუმჯობესებასთან დაკავშირებით განახორციელა და ჩააყენონ მოსახლეობა საქმის კურსში  შემოდგომის გეგმებთან დაკავშირებით.

პირველი შეხვედრები გორის რაიონში გაიმართება. ხვალ 13 საათზე „ეროვნული ფორუმის“ თავმჯდომარე კახაბერ შარტავა, იდეოლოგიური მდივანი გუბაზ სანიკიძე და გენერალური მდივანი რევაზ შავიშვილი გორის რაიონის სოფელ ზემო ნიქოზის, ხოლო 15 საათზე სოფელ ზემო ხვითის მოსახლეობას შეხვდებიან.

შეხვედრები გორის რაიონში 3 აგვისტოსაც გაგრძელდება. ზეგ მოსახლეობასთან შეხვედრები 15 საათზე სოფელ ერგნეთში, ხოლო 18 საათზე ქალაქ გორში თეატრის წინ გაიმართება.

Facebook TwitThis