17:32:15                         01.08.2010
სომეხ ოლიგარქებს ყარაბაღის დამოუკიდებლობის ყიდვა სურთ

საბეჭდი ვერსია

კომპანიის “ალექს-გრიგის” მფლობელის სამველ ალექსანიანის განცხადებით, თუ დამოუკიდებლობა იყიდება, სომეხი ბიზნესმენები მზად არიან, მთიანი ყარაბაღის დამოუკიდებლობა იყიდონ.

“რატომაც არა. მოვნახავთ, შევაგროვებთ ფულს და ვიყიდით”, - განუცხადა ალექსანიანმა ჟურნალისტებს.

რუსეთის გეოპოლიტიკური პრობლემების აკადემიის პრეზიდიუმის წევრმა არაიკ სარქისიანმა ერევანში გამართულ პრესკონფერენციაზე განაცხადა, რომ კოსოვოს დამოუკიდებლობის აღიარება ალბანურ ნარკომაფიას და ქვეყნის პრემიერ-მინისტრს ხაშიმ ტაჩის 250 მილიონი დოლარი დაუჯდათ.

“ბიზნესმენებს ტაგიკ ცარუკიანს და მიშა ბაღდასაროვს თავისუფლად შეუძლიათ ამ თანხის გაღება”, - განაცხადა სარქისიანმა.

პოლიტოლოგის სერგეი შაკარიანცის აზრით კი, სომხებს მცირე სახელმწიფოების მატერიალურად დაინტერესება შეუძლიათ. ამის მაგალითად, პოლიტოლოგმა ნაურუ მოიყვანა, რომელსაც რუსეთმა აფხაზეთისა და ე.წ. სამხრეთ ოსეთის აღიარების სანაცვლოდ, ფული გადაუხადა.

Facebook TwitThis