15:52:17                         22.08.2010
Mazda უკან 514 ათას ავტომობილს გაიხმობს

საბეჭდი ვერსია

ავტოკონცერნი Mazda აშშ-ს, ევროპის, ჩინეთისა და იაპონიის ავტობაზრებიდან  უკან 514 ათას Mazda3-ისა და Mazda5-ის მოდელის ავტომანქანებს გაიხმობს.

თავდაპირველად, Mazda უკან 225 ათასი ავტომანქანის გაწვევას აპირებდა. თუმცა, აშშ-ს საგზაო მოძრაობის უსაფრთხოების ნაციონალური ადმინისტრაციის რეკომენდაციით, ავტოკონცერნმა უკან გასაწვევი ავტომანქანების რაოდენობა გაზარდა. კერძოდ, ადმინისტრაციაში Mazda3 –თან დაკავშირებით, 33 საჩივარი შევიდა.

კერძოდ, ამ მოდელის ავტომანქანებს ჰოდროგამაძლიერებლის მილში ჟანგი აღმოაჩნდათ. დროთა განმავლობაში, ჟანგი დგუშში ხვდება, მისი მუშაობის ეფექტურობა მცირდება, ჰოდროგამაძლიერებელი ხურდება და ელექტრომოწყობილობები ითიშება, რამაც, შესაძლოა, ავარია გამოიწვიოს.

2010 წლის აპრილში, Mazda-მ უკან 90 ათასი ავტომობილი გაიხმო. მათაც პრობლემა ჰიდროგამაძლიერებელში ჰქონდათ.

Facebook TwitThis