15:54:06                         22.08.2010
BMW Vision Efficient Dynamics-ი გერმანული ავტოკონცერნის ერთ-ერთი წარმატებული პროექტი იქნება

საბეჭდი ვერსია

BMW Vision Efficient Dynamics -ი გერმანული ავტოკონცერნის ერთ-ერთი წარმატებული პროექტი იქნება, რომელიც საფუძვლად დაედება მომავალ მოდელებს.

BMW Vision Efficient Dynamics-სი სწრაფი, ეკონომიური და უსაფრთხო იქნება. კერძოდ, ის ყოველ 100 კილომეტრზე, მხოლოდ 3,76 ლიტრ საწვავს მოიხმარს. ამავე დროს, მისი აგრეგატის სიმძლავრე, კომპაქტური მანქანისთვის უნიკალური იქნება – 356 ცხენის ძალა.

ადაპტირებული ჰიბრიდული დანადგარი, მხოლოდ მცირე ნაწილია იმ რთული კომპლექსისა, რომლითაც ეს მოდელი იქნება აღჭურვილი. მანქანის ძარას ლაიფციგში, ელექტრომობილების ცენტრში დაამზადებენ. BMW Vision Efficient Dynamics -ის პროექტში ბავარიული ავტოკონცერნის ორი ფილიალია ჩართული.

ულტრათანამედროვე ტექნოლოგიების შერწყმა, მანქანას უნიკალურ ეკონომიურ თვისებას შესძენს, რომელიც თანამედროვე ავტომანქანებში წარმოუდგენელია. მცირე წონა, უმძლავრესი ჰიბრიდული მოტორი და საკიდის ინტელექტუალური რეჟიმები კი, ავტოსტრადებზე სიჩქარის ახალ შეგრძნებებს შექმნიან.

Facebook TwitThis