12:38:23                         26.08.2010
ცხინვალის რეჟიმმა რუსი ე.წ. მინისტრის წინააღმდეგ სისხლის სამართლის საქმე აღძრა

საბეჭდი ვერსია

ცხინვალის მარიონეტული რეჟიმის ე.წ. ეკონომიკურ დანაშაულებთან ბრძოლის სამმართველომ, ეკონომიკის მინისტრი ალექსანდრ ჟმაილო 30 მილიონი რუბლის გაფლანგვაში დაადანაშაულა.

ოსური წყაროების ცნობით, სამმართველოს უფროსმა სოსლან სანაკოევმა განაცხადა, რომ ჟმაილო  მინისტრის მოვალეობებს სათანადოდ არ ასრულებდა და მან სამხრეთ ოსეთის ბიუჯეტი 30 მილიონი დოლარით აზარალა. Eოსურმა პროკურატურამ ჟმაილოს წინააღმდეგ, რუსეთის სისხლის სამართლის კოდექსის 293-ე მუხლით (ოკუპირებულ ცხინვალის რეგიონში რუსეთის კანონმდებლობა მოქმედებს – “მედიანიუსი”) “დაუდევრობა”, საქმე აღძრა.

თავად ჟმაილომ ცხინვალი სამი თვის წინ დატოვა და მას შემდეგ, ის სამუშაო ადგილზე არ უნახავთ.

ჩელიაბინსკელი ჟმაილო “ედინაია როსიას” წევრია. ის ე.წ. ეკონომიკური განვითარების მინისტრად, 2009 წლის აგვისტოში დაინიშნა.

Facebook TwitThis