14:47:40                         29.08.2010
მოსკოვის ავტოსალონზე BMW Gran Coupe-ეს პრეზენტაცია გაიმართა

საბეჭდი ვერსია

მოსკოვის ავტოსალონზე BMW Gran Coupe-ეს პრეზენტაცია გაიმართა. გარეგნულად, მანქანა მეექვსე სერიის ახალ კუპეს ჰგავს, ტექნიკური მახასიათებლები კი, მან მეხუთე და მეშვიდე სერიებისგან “ისესხა”. ავტობაზარი ამ ახალ მოდელს 2012 წელს მიიღებს.

სპეციალისტების აზრით, BMW Gran Coupe Martin Rapide, Audi A7, Maserati Quattroporte, Mercedes-Benz CLS და Porsche Panamera-ს უშუალო კონკურენტი იქნება. ავტომობილის ღირებულება, მეექვსე სერიის ფასს მიუახლოვდება. ის აგრეგატების მთელ გამას მიიღებს, რომელთა შორის იქნება ბენზინისა და დიზელის მოტორები, ჰიბრიდული ძრავა და აგრეგატის “М” ვარიანტი.

ეს კი, იმას ნიშნავს, რომ მომხმარებელი 3,0 ლიტრაჟისა და 4,4 ლიტრაჟის ბენზინის ძრავით აღჭურვილ მოდელებს მიიღებს, რომელთა სიმძლავრე 304-406 ცხენის ძალა იქნება. 3,0 ლიტრაჟის დიზელის აგრეგატის სიმძლავრე 207-248 ცხენის ძალას შეადგენს. 3,0 ლიტრაჟის, ბენზინის მოტორიანი ჰიბრიდული დანადგარი კი, რომელიც ელექტრომოტორით აღიჭურვება, 360 ცხენის ძალას “გამოწურავს”. ბიტურბირებადი ტოპური ძრავის სიმძლავრე კი, 563-578 ცხენის ძალა იქნება.

Facebook TwitThis