19:03:22                         30.08.2010
კოკოითის მთავრობა ახალგორში ქართველთა სახლებში ოსების ჩასახლებას გეგმავს

საბეჭდი ვერსია

ცხინვალის მარიონეტული რეჟიმის ე.წ  საცხოვრებელი ფართის სახელმწიფო კომისიის თავმჯდომარის ელეონორა ბედოევას განცხადებით, ახალგორის რაიონში 90 ოსური დევნილი ოჯახი დაბრუნდება.

აღნიშნული განცხადება ბედოევამ საინფორმაციო სააგენტო “რეს”-თან საუბრისას გააკეთა. მისივე მტკიცებით,  აღნიშნული ოსური ოჯახები 90 წლებში საქართველოს ხელისუფლებამ საკუთარი სახლებიდან გამოყარა და ახალგორის რაიონიდან გააძევა, შემდეგ კი მათი სახლები ქართველებმა უკანონოდ გადაიფორმეს,

“მას შემდეგ, რაც ლენინგორის რაიონს ისევ სამხრეთ ოსეთი აკონტროლებს, გაძევებული ხალხი ელოდება იმ დღეს, როცა რესპუბლიკა სახლების დაბრუნების საშუალებას მისცემს. ახლო მომავალში ოს დევნილებს შევხვდებით და მათი დაბრუნების საკითხებს გადავწყვეტთ. ჯანსაღი ძალის, ოსური ინტელიგენციის დაბრუნება რაიონის და მთლიანად ე.წ. სამხრეთ ოსეთის ცხოვრებაზე დადებითად აისახება. აქ საჭიროა ოსური და რუსული ენების მცოდნე ხალხი. მასწავლებლებმა, ექიმებმა, ინჟინრებმა – 90-იან წლებში ეს რაიონი ყველამ დატოვა. ისინი მზად არიან, დაბრუნდნენ და სოფლის მეურნეობა, კულტურის სფერო და განათლება ააღორძინონ”, _აცხადებს ედუარდ კოკოითის მარიონეტული მთავრობის წარმომადგენელი.

Facebook TwitThis