10:20:24                         01.09.2010
ბესლანის ტრაგედიიდან ექვსი წელი სრულდება

საბეჭდი ვერსია

დღეს ჩრდილოეთ ოსეთის ქალაქ ბესლანში მომხდარი ტრაგედიიდან 6 წელი სრულდება. 2004 წლის 1 სექტემბერს ბესლანის №1 საშუალო სკოლის მოსწავლეები, მშობლები და მასწავლებლები მეამბოხეებმა  მძევლებად აიყვანეს. „ბოევიკებმა“ ისინი სკოლის შენობაში გამოკეტეს და შენობის ყველა გასასვლელთან ბარიკადები ააგეს. ისინი  მძევლების გათავისუფლების სანაცვლოდ ჩეჩნეთიდან რუსეთის ჯარის გაყვანას, ჩრდილო ოსეთის პრეზიდენტ ალექსანდრე ძასოხოვთან და ინგუშეთის  ლიდერ მურატ ზიაზიკოვთან შეხვედრას ითხოვდნენ. ისინი იმ მეამბოხეეთა  გათავისუფლებასაც  ითხოვდნენ, რომლებიც ინგუშეთში სახელმწიფოებრივ ობიექტებზე თავდასხმის გამო  დააპატიმრეს.

მეამბოხეებთან მოლაპარაკებები 3 სექტემბრის ჩათვლით  მიმდინარეობდა. 3 სექტემბერს კი სკოლის შტურმი დაიწყო, რასაც ქალაქში ინტენსიური სროლა და აფეთქებები მოჰყვა. ტრაგედიას, ოფიციალური მონაცემებით, 334 ადამიანი ემსხვერპლა, რომელთა შორის 186 ბავშვი  იყო. 700-ზე მეტი ადამიანი კი მძიმედ დაიჭრა.

Facebook TwitThis