მთიან ყარაბაღში, აზერბაიჯანისა და სომხეთის შეიარაღებულ ქვედანაყოფებს შორის მომხდარ შეტაკებას, ხუთი ადამიანი ემსხვერპლა.
აზერბაიჯანული წყაროების ცნობით, სომეხი სამხედროები, რომლებიც სოფელ თალიშში იყვნენ გამაგრებულნი, თავს სოფელ ჩაილისთან მდებარე აზერბაიჯანულ პოზიციებს დაესხნენ. სომხური მხარის მტკიცებით კი, აზერბაიჯანელებმა თალიშში დივერსანტები შეგზავნეს, რასაც შეტაკება მოჰყვა.
შეტაკების შედეგად, სამი სომეხი და ორი აზერბაიჯანელი ჯარისკაცი დაიღუპა.





