ვაშინგტონში ქარიშხლის შესაძლო შეტევისთვის ემზადებიან
საბეჭდი ვერსია
ვაშინგტონში ქარიშხლის შესაძლო შეტევისთვის ემზადებიან. აშშ-ის საგანგებო სიტუაციათა ფედერალურმა სააგენტომ და ვაშინგტონის ადგილობრივმა ხელმძღვანელობამ ქარიშხალი „ერლის“ შესაძლო ამოვარდნაზე მოსახლეობა უკვე გააფრთხილეს.
სინოპტიკოსთა პროგნოზით, გრიგალი ქვეყნის დედაქალაქს არ შეეხება, თუმცა, ხელისუფლებამ თავის დაზღვევის მიზნით, სამზადისი მაინც გამოაცხადა.
„თუკი „ერლი“ მიმართულებას შეიცვლის, დაუყოვნებლივი რეაგირებისათვის ყველა სამსახური და სტრუქტურა მზად არის. ქარიშხალს შესაძლოა, წყალდიდობა, ელექტროგადამცემი ხაზების დაზიანება, ხეების წაქცევა და გზების, ნაგვისა და ხის ტოტების დაგროვება მოჰყვეს“, _ აცხადებენ ვაშინგტონის საგანგებო სიტუაციების სამსახურში.
„ერლი“ ამ დროისათვის ჩრდილოეთ კაროლინას შტატში ქრის და ჩრდილო-დასავლეთისაკენ ინაცვლებს. სექტემბერი ქარიშხლების პიკის სეზონად მიიჩნევა.
Facebook
TwitThis
http://medianews.ge/images/medianews-images/saqartvelo_da_msoflio.JPG
