12:07:10                         03.09.2010
ყოფილი მინისტრი ტელეწამყვან ქსენია სობჩაკს სასამართლოში უჩივის

საბეჭდი ვერსია

რუსეთის შინაგან საქმეთა ყოფილმა მინისტრმა ანატოლი კუკლიკოვმა სასამართლოში ტელეწამყვან ქსენია სობჩაკის წინააღმდეგ სარჩელი შეიტანა.

კულიკოვი მისგან მორალური ზარალის ასანაზღაურებლად მილიონი რუბლის კომპენსაციას ითხოვს. საქმის პირველი განხილვა 1 სექტემბერს გაიმართა. ყოფილი მინისტრის სასარჩელო განაცხადების საფუძველი გაზეთ „არგუმენტი და ფაქტში“ გამოქვეყნებული სტატია გახდა, რომლის სათაური იყო: „სობჩაკი სობჩაკზე: პუტინი და მედვედევი მამაჩემმა აღზარდა“. ამ სტატიაში ქსენია სობჩაკმა ანატოლი კულიკოვი სხვა პოლიტიკოსებთან ერთად ანატოლი სობჩაკის დევნაში დაადანაშაულა.

„ანატოლი სობჩაკის  დისკრედიტაცია 1995 წლის დეკემბერში დაიწყო და თითქმის მის გარდაცვალებამდე გაგრძელდა. ამის ფორმალური მიზეზი სანკტ-პეტერბურგის ცენტრში, გარემონტებულ სახლში საცხოვრებელი ბინების  განაწილება იყო. მამის დევნაში  ყველაზე მეტად ყოფილი გენერლები იური სკურატოვი, ასევე კორჟაკოვი, სოსკოვეცი, ბარსუკოვი და კულიკოვი აქტიურობდნენ“, _ ნათქვამია სტატიაში.

ანატოლი  კულიკოვი ქსენია სობჩაკისგან აღნიშნული ინფორმაციის უარყოფას ითხოვს.

Facebook TwitThis