13:34:50                         05.09.2010
შამბა: აფხაზურ მხარეს საქართველოსთან მშვიდობის დამყარება სურს

საბეჭდი ვერსია

სოხუმის მარიონეტული რეჟიმის ე.წ. პრემიერ-მინისტრის, სერგეი შამბას განცხადებით, აფხაზური მხარეს საქართველოსთან მყარი მშვიდობის დამყარება სურს.

“საქართველო ჩვენი მეზობელია. ჩვენ რაღაც ურთიერთობა უნდა დავამყაროთ. დღეს ჩვენ საქართველოსთან მყარი მშვიდობის დამყარება გვსურს. რატომ ვითხოვთ ყველგან ამ დოკუენტის( ხელშეკრულება “ძალის არგამოყენების შესახებ – “მედიანიუსი”) გაფორმებას? იმიტომ, რომ საქართველოსთან სხვა პერსპექტიული ურთიერთობების ჩამოყალიბება  არ შეგვიძლია”, - განუცხადა შამბამ რადიოსადგურ “ეხო კავკაზსს”.

მისი თქმით, ადრე თუ გვიან, ოფიციალურ თბილისს მოუწევს აფხაზეთის დამოუკიდებლობის აღიარება და ამის შემდეგ, უკვე შესაძლებელი იქნება აფხაზეთში ქართველი დევნილების დაბრუნების შესაძლებლობაზე საუბარი.

“ჩვენ მივიჩნევთ, რომ საქართველომ, ადრე თუ გვიან, უნდა სცნოს აფხაზეთის დამოუკიდებლობა და შემდეგ, საუკეთესო ურთიერთობების დამყარება იქნება შესაძლებელი. იმიტომ, რომ ჩვენ ისტორია და გეოგრაფია გვაკავშირებს”, - განაცხადა შამბამ.

Facebook TwitThis