16:15:56                         05.09.2010
BMW-მ ახალი თაობის X3 გამოშვება დაიწყო

საბეჭდი ვერსია

BMW-ს სპარტანბურგის ქარხანამ (აშშ. სამხრეთ კაროლინა), ახალი თაობის კროსოვერის X3 გამოშვება დაიწყო.

BMW-ს წარმომადგენლების თქმით, მოთხოვნილება ამ ავტომანქანაზე იმდენად მაღალია, რომ ავტოკონცერნს, დამატებით, 500 მოსამსახურის დაქირავება მოუწევს. სულ სპარტანბურგის ქარხანაში 7 ათასი ადამიანი მუშაობს.

X3-ის წინა თაობის უკანასკნელი ორი ეგზემპლარი, ავსტრიული კომპანიის Magna Steyr   ქარხანამ 31 აგვისტოს გამოუშვა. ერთ-ერთი მათგანი, სასწრაფო დახმარების აღმოჩენისთვისაა განკუთვნილი და ის BMW -მ ერთ-ერთ არაკომერციულ საზოგადოებრივ ორგანიზაციას აჩუქა. ბოლო 7 წლის განმავლობაში, BMW-მ 605 498 X3 გამოუშვა.

ავტომანქანის პრეზენტაცია მიმდინარე წლის ოქტომბერში, პარიზის ავტოსალონზე შედგება. ახალი თაობის X3-ს აღმოსავლეთ ევროპის ბაზარი 2010 წლის ნოემბერში მიიღებს.

Facebook TwitThis