აჭარაში ფრანგული ტელეკომპანიის წარმომადგენლებმა ვიზიტი დაასრულეს
საბეჭდი ვერსია
აჭარაში ფრანგულმა ტელეკომპანია `არტეს” 12-წევრიანმა შემოქმედებითმა ჯგუფმა სტუმრობა დაასრულა. საქართველოში ტელეკომპანიის წარმომადგენლები ქვეყნისადმი სოლიდარობის მიზნით ჩამოვიდნენ, რომელიც 2008 წლის რუსეთთან აგვისტოს ომში მხარდაჭერას გულისხმობდა.
შემოქმედებითი ჯგუფი მსახიობებით, რეჟისორებით, მხატვრებითა და მუსკოსებით იყო დაკომპლექტებული. მათ ბათუმში არგონავტების მითზე შექმნილი ფილმიც უჩვენეს.
შემოქმედებითი ჯგუფის წევრებს შორის წარმოშობით ქართველიც იმყოფებოდა. დარეჯან მერიავას პაპა სამეგრელოდან საფრანგეთში 1929 წელს ჩავიდა. მართალია, დარეჯანს პაპა არ ახსოვდა, მაგრამ საქართველოს შესახებ მას მამამ მოუთხრო, ხოლო 4 წლის წინ, მან მამისა და პაპის ფერფლი მშობლიურ მიწას მიაბარა.
ჯგუფის შემადგენლობაში იმყოფებოდა ცნობილი ფრანგი მუსიკოსი ჟერო მედოვილიც. ჯგუფი რეგიონს 5 დღის მანძილზე სტუმრობდა.
Facebook
TwitThis
http://medianews.ge/images/medianews-images/saqartvelo_da_msoflio.JPG
