12:48:22                         07.09.2010
დაღესტანელ ექსპერტებს არ სჯერათ, რომ საქართველო ბოევიკებს ამზადებს

საბეჭდი ვერსია

დაღესტანელ ექსპერტებს არ სჯერათ, რომ საქართველო ჩრდილო-კავკასიელ ბოევიკებს ამზადებს.

რუსეთის შსს-ს ერთ-ერთი მაღალჩინოსანის მტკიცებით, ქართული მხარე სპეცბანაკებში ბოევიკებს ამზადებს და შემდეგ, მათ აზერბაიჯანის ტერიტორიიდან, დაღესტანში აგზავნის.

“უცნაურია, თუ საქართველოში ბოევიკებს ამზადებენ და შემდეგ, აზერბაიჯანის გავლით დაღესტანში აგზავნიან. უფრო ადვილი არ არის, რომ პირდაპირ საქართველოდან შემოაგზავნონ?”, - აღნიშნა ძალოვანის სტრუქტურების საკითხებში ექსპერტმა ხაბიბ მაგომედოვმა.

გამოცემის “ნოვოე დელოს”(მახაჩყალა) მთავარი რედაქტორის მარკო შახბანოვის განცხადებით კი, გამორიცხულია, რომ საქართველოში მცხოვრებმა დაღესტანელებმა ბოევიკების რიგები შეავსონ.

“მე ვიყავი საქართველოში წინა ზაფხულს და იქ არაფერი მსგავსი არ ხდება. ყვარლის რაიონის დაღესტანურ დასახლებებში, ბოევიკებზე რომ აღარაფერი ვთქვათ, ვაჰაბიტების ერთი წარმომადგენელიც კი არ არის”, - განაცხადა შახბანოვმა.

Facebook TwitThis