გრიგოლ ვაშაძე: საქართველო გააგრძელებს ავღანეთის ოპერაციაში მონაწილეობას
საბეჭდი ვერსია
საქართველოს საგარეო საქმეთა მინისტრის, გრიგოლ ვაშაძის განცხადებით, ავღანეთში ქართველი ჯარისკაცის დაღუპვის მიუხედავად, საქართველო გააგრძელებს ამ ქვეყანაში მიმდინარე ოპერაციაში მონაწილეობას.
ეს განცხადება ვაშაძემ თავის ესტონელ კოლეგასთან, ურმას პაეტთან შეხვედრის შემდეგ გამართულ პრესკონფერენციაზე გააკეთა.
“საქართველოს მისიაში არაფერი შეიცვლება. ჩვენ ვალდებულება გვაქვს აღებული. ჩვენი გმირი ჯარისკაცები, რომლებიც იქ იმყოფებიან, საქართველოს ინტერესებს ემსახურებიან. Eეს ტრაგიკული დანაკარგია, თუმცა, ეს მისიის შეწყვეტის მიზეზი არ გახდება”, - აღნიშნა ქართველმა დიპლომატმა.
ესტონეთის საგარეო საქმეთა მინისტრის, ურმას პაეტის თქმით კი, ნატო, ავღანეთის ოპერაციაში მონაწილეობის გამო, საქართველოს მადლიერია.
პაეტი საქართველოს ოკუპირებულ ტერიტორიებზე არსებულ მდგომარეობასაც შეეხო და განაცხადა, რომ სანამ ქვეყანაში მსგავსი პრობლემა იქნება, ევროკავშირის სადამკვირვებლო მისიის შენარჩუნება აუცილებელია.
Facebook
TwitThis
http://medianews.ge/images/medianews-images/saqartvelo_da_msoflio.JPG
