15:22:51                         07.09.2010
გაიმართება ფოტოკონკურსი `ერთად ჩვენ შევძლებთ~

საბეჭდი ვერსია

24-25 სექტემბერს პროექტის `ერთად ჩვენ შევძლებთ“ ფარგლებში თბილისის ისტორიის მუზეუმში, `ქარვასლაში~ მოეწყობა ხელოვანი დევნილების ნამუშევრების გამოფენა-გაყიდვა. გამოფენის პარალელურად გაიმართება ფოტოკონკურსი  სახელწოდებით `ერთად ჩვენ შევძლებთ~.

ფოტოკონკურსში მონაწილეობის მიღება შეუძლია ნებისმიერ დაინტერესებულ პირს, რომელიც წარადგენს ფოტომასალას დევნილობის თემაზე. სასურველია,  წარდგენილი ფოტოები ასახავდეს დევნილობაში მცხოვრები საქართველოს მოსახლეობის ყოველდღიურ ყოფას, მათ ახალ რეალობას იძულებით გადაადგილების გამო, დევნილთა განცდებსა და იმედებს.

მიღებული საკონკურსო მასალა გაივლის 2-ეტაპიან შერჩევას: პირველ ეტაპზე მოხდება საგამოფენოდ 50 საუკეთესო ფოტოს შერჩევა, რაც  გომოფენილი იქნება `ქარვასლას~  საგამოფენო დარბაზში 24-25 სექტემბერს და შერჩევის მეორე ეტაპზე, საგამოფენო 50 ნამუშევრიდან გამოვლინდება საუკეთესო სამეული.

ფოტოკონკურსში გამარჯვებული ნამუშევრების ავტორთათვის დაწესებულია პრიზები _ პირველ, მეორე და მესამე ადგილზე გასულ ფოტოების ავტორებს გადაეცემათ  საპრიზო ადგილის მიხედვით 300, 200 და 100-ლარიანი სასაჩუქრე ბარათები `ფოტოსამყაროს~ მომსახურებაზე. ამასთან, კონკურსის ყველა მონაწილეს გადაეცემა სიგელი მონაწილეობისთვის.

დაინტერესებულმა პირებმა გააგზავნონ ფოტოები 2010 წლის 15 სექტემბრამდე  შემდეგ ელ.მისამართზე: .(JavaScript must be enabled to view this email address)  ან მიიტანეთ ახალგაზრდა ეკონომისტთა ასოციაციის ოფისში.

Facebook TwitThis