11:53:44                         27.01.2012
შალვა ნათელაშვილი ავსტრიაში შეხვედრებს მართავს

საბეჭდი ვერსია

ევროპაში სამუშაო ვიზიტით მყოფი საქართველოს ლეიბორისტული პარტიის თავმჯდომარე შალვა ნათელაშვილი ვენაში შეხვდა და ესაუბრა ავსტრიის საგარეო საქმეთა სამინისტროს წარმომადგენელს, საგანგებო და სრულუფლებიან ელჩს, მაიკლ პოსტლს. როგორც `მედიანიუსს~ ლეიბორუისტული პარტიიდან აცნობეს, შალვა ნათელაშვილმა მადლობა გადაუხადა ავსტრიის მთავრობას საქართველოს იმ მოქალაქეების თანადგომისათვის, რომლებიც პოლიტიკური და სხვა მოტივებით იდევნებიან  რეპრესიული რეჟიმის მიერ და თავშესაფარი ჰპოვეს მეგობარ ავსტრიაში.

შეხვედრისას განიხილეს საქართველოში წინასაარჩევნო ვითარება. შალვა ნათელაშვილმა აღნიშნა, რომ ევროკავშირის პრინციპული პოზიციის გარეშე სააკაშვილის რეჟიმი კვლავინდებურად მასობრივად გააყალბებს არჩევნებს.

შეხვედრის დროს ასევე განიხილეს საქართველოსა და მთლიანად რეგიონში შექმნილი პოლიტიკური    ვითარება. შალვა ნათელაშვილის შეხვედრები ვიზიტის ფარგლებში გრძელდება.

Facebook TwitThis