07:30:18                         28.01.2012
აშშ-ის ელჩის მეუღლე და ამერიკელი საზღვაო ქვეითები კოჯრის ბავშვთა სახლს ესტუმრებიან

საბეჭდი ვერსია

დღეს აშშ-ის ელჩის მეუღლე ჰოლი ჰოლცერ-ბასი და აშშ-ის საელჩოში განთავსებული საზღვაო ქვეითები კოჯრის ბავშვთა სახლის აღსაზრდელებს საჩუქრებს მიუტანენ. ბავშვთა სახლში 6-16 წლის 75 მოზარდი ბინადრობს. მათთვის საჩუქრები “სათამაშოები ბავშვებს” პროგრამის ფარგლებში შეგროვდა. საქველმოქმედო აქციაში მონაწილეობდნენ საზღვაო ქვეითები სერჟანტ როდრიგო არიასის მეთაურობით, აგრეთვე სასტუმრო “რედისონ ბლუ ივერია”, “კავკასიის კვლევების რესურსცენტრი” და “ახალი სკოლა საქართველო.”

პროგრამა “სათამაშოები ბავშვებს” 1947 წელს დაარსდა. მისი მიზანია აშშ-სა და მსოფლიოს სხვა ქვეყნებში სოციალურად დაუცველი ბავშვების საშობაო და საახალწლო საჩუქრებით გამხიარულება. პროგრამა საზოგადოების ყველა ფენას აერთიანებს. საჩუქრები მთელი წლის განმავლობაში გროვდება. პროგრამის 64-წლიანი ისტორიის განმავლობაში აშშ-ის საზღვაო ქვეითთა კორპუსმა 188 მილიონზე მეტ სოციალურად დაუცველ ბავშვს 400 მილიონზე მეტი საჩუქარი შეუგროვა.

Facebook TwitThis